Tuis|Home • Leestekens • LibreOffice • PortableApps
 

27 Mei 2013

PortableApps

Draagbare Programme

Jou eie draagbare sagteware gereedskapskissie

Oorsig

Het jy al ooit die behoefte gehad om jou gunstelingprogram op iemand anders se rekenaar (of by die werk) te gebruik? Daar is hoop.

Met PortableApps kan jy enige Windows-rekenaar gebruik, asof dit jou eie is. PortableApps is 'n wye versameling van sagteware wat op enige draagbare geheue (USB-skyf, geheuekaart, hardeskyf, tablet of foon) geïnstalleer kan word, sowel as op 'n plaaslike skyf of selfs in 'n Internet-wolk ("Internet cloud"). Koppel dit aan 'n ander Windows-rekenaar, en gebruik dadelik jou eie bekende sagteware, boekmerke en opstellings.

Verder, waarom ryk maatskappye nog ryker maak, as daar goeie gratis alternatiewe is?

PortableApps

PortableApps is die mees volledige versameling van oopbron- en ander gratis sagteware vir rekenaarwerk, waar jy ook al is. Benut al die sagteware wat jy nodig het, op enige Persoonlike Rekenaar ("PC") wat jy gebruik. Gebruik jou eie snuffelprogram ("browser"), jou volledige kantoorsagteware ("office suite"), jou foto-, teken-, speletjie- en ontwikkelingsprogramme, plus talle meer. By die werk, huis, skool, familie en vriende, selfs op reis. Met al jou boekmerke, eposse, persoonlike lêers, dokumente en verstellings, wat net op jou eie skyf of geheue bly. Elke rekenaar word nou "jou" rekenaar.


Kategorieë
Met 'n paar honderd programme in 10 kategorieë, is daar sekerlik iets vir elkeen:

Grafies & Prente ("Graphics & Pictures")
Internet
Kantoor ("Office")
Musiek & Video ("Music & Video")
Nutsprogramme ("Utilities")
Ontwikkeling ("Development")
Opvoeding ("Education")
Sekuriteit ("Security")
Speletjies ("Games")
Toeganklikheid ("Accessibility")

Vir die volledige lys, gaan na https://portableapps.com/apps

Installering
Geen spesiale regte nodig nie. Installeer net op jou (bv) USB-skyf, en gebruik dan op ander rekenaars, sonder verdere installering. Dit kan selfs net na 'n rekenaar se interne skyf gekopieer word, vir permanente gebruik op daardie rekenaar.

Gratis/Vry
Dit kos absoluut niks om hierdie sagteware te gebruik. Voorsien net jou eie draagbare (of permanente) geheue. Die meeste van die programme is boonop oopbron ("open source"), veilig en van hoë gehalte. Met bekende en gewilde opsies soos die onderstaande, wat het jy om te verloor?

Voorbeelde:

Tuis|Home • Leestekens • LibreOffice • PortableApps •