OpenOffice: Gratis en veelsydig

OpenOffice.org

Is jou Kantoor Oop, of Toe?

Het jy al, of wil jy Microsoft Office produkte (soos Word, Excel, Powerpoint, ens.) gebruik? Sien jy op teen die koste van etlike duisende Rande? Vermy die hoë prys van Microsoft, maar ook die prys op jou gewete as jy 'n roofkopie sou gebruik. Daar is 'n alternatief.

Oor die laaste jare het daar stil-stil 'n kragtige mededinger gegroei. Sy naam: OpenOffice.org.(Ja, die naam sluit die .org in.) Wat maak hierdie “Office Productivity Suite” so interessant? Hier is maar 'n paar van die baie aantreklike eienskappe:

Prys: GRATIS. Moet egter nie dink dit is minderwaardig nie!

Versoenbaarheid met Microsoft Office lêer-formate, soos Word, Excel en Powerpoint. Dit kan ook talle ander en ouer formate lees, insluitend Lotus 1-2-3 en dBASE.

Dit het 'n Afrikaanse speltoets-funksie

Dit kan dokumente bêre in die gewilde PDF-formaat, asook die SWF-formaat (Flash)

Hoe om OpenOffice.org in die hande te kry

Jy kan dit gratis aflaai by die naamgenoot webwerf OpenOffice.org.

Wat is daarin?

Die volgende is 'n kort opsomming van die 4 primêre funksies in OpenOffice.org. Daar is nog talle ander om te ontdek.

OpenOffice.org: Aangename program om te gebruik

Writer is 'n kragtige program om professionele dokumente, verslae, nuusbriewe en brosjures te skep. Jy kan maklik illustrasies en diagramme kan maklik in dokumente invoeg, enigiets van besigheidsbriewe tot volledige boeke met professionele uitleg skep, asook Web inhoud skep en publiseer.

Calc is 'n sigbladprogram wat propvol eienskappe is om vervelige syfers in treffende inligting te omskep. Bereken, ontleed en dra inligting visueel oor, vinnig en maklik. Gebruik gevorderde sigbladfunksies en besluitnemings eienskappe om gesofistikeerde data analise te doen. Gebruik ingeboude funksies om indrukwekkende 2D en 3D diagramme en kaarte te skep.

Impress is die vinnigste, kragtigste manier om effektiewe multimedia aanbiedings te skep. Jou aanbiedings sal waarlik uitstaan met spesiale effekte, animasie en hoë-impak tekenfunkies.

Draw kan enigiets produseer, vanaf eenvoudige diagramme, tot dinamiese 3D illustrasies en spesiale effekte.

Die Databasis Gebruiker Funksies (Database User Tools) maak dit moontlik om al jou alledaagse databasiswerk in 'n eenvoudige sigblad-formaat te doen. Dit ondersteun dBASE databasisse vir eenvoudige toepassings, of enige ODBC- of JDBC-aanpasbare databasis vir industriële-sterkte databasiswerk.

Vir meer eienskappe, 'n inleiding in Flash-formaat, en talle ander inligting, sien OpenOffice.org